7-11сынып оқушылары арасында майдангер-жазушының өмірі мен шығармашылығын кеңінен насихаттау мақсатында «Бауыржан оқулары"байқауы өтті

      2021жылдың 28желтоқсанында Шоқан Уәлиханов атындағы мектеп-гимназиясында даңқты қолбасшы Бауыржан Момышұлының туған күніне орай 7-11сынып оқушылары арасында майдангер-жазушының өмірі мен шығармашылығын кеңінен насихаттау мақсатында «Бауыржан оқулары"байқауы өтті.

      Байқау төрт бағытты қамтыды. «Қайратыңа әдісіңді жолдас ет,   әдісіңе ақылыңды жолдас ет…» бағыты бойынша «Ердің туы –намыс» тақырыбында эссе жазуда 11 «А» сынып оқушысы Сайлау Аяжан 1-орынды иеленді. «Алаштың айбыны-Бауыржан Момышұлы» бағыты бойынша жазушының шығармаларындағы ұлттық танымның   ерекшеліктерін ұлт руханиятындағы мәнмен сабақтастыра отырып, ғылыми зерттеу жоба қорғағанқатысушылардың ішінен11»Б» сынып оқушысы Фахрутдинова Алсу 1-орынды иеленді.

      «Сыр айтам саған, халқым,ұға білсең» бағыты бойынша автордың туындыларын жатқа оқуда нақышына келтіріп оқыған  9 «Б»  сынып оқушысы Болысбекова Аруай 1-орынды иеленсе,  «Томаға киген тау бүркіт» бағыты бойынша Б.Момышұлына өздерінің арнау өлеңдерін оқыған жас ақындардың ішінен өлеңінің мазмұнымен  көзге түскен 11 «А» сынып оқушысы Тілеміс Дианаға  1-орын бұйырды. Аталған оқушылар байқаудың аудандық кезеңіне жолдама алды.Байқауға қатысушы басқа да оқушылар мадақтама, алғыс хаттармен марапатталды.