Қасым-Жомарт Тоқаевтың Қазақстан халқына Жолдауы

     Қасым-Жомарт Тоқаевтың Қазақстан халқына Жолдауы. 2020 жылғы 1 қыркүйек "ЖАҢА ЖАҒДАЙДАҒЫ ҚАЗАҚСТАН: ІС - ҚИМЫЛ КЕЗЕҢІ" Қазақстан Республикасының Президенті Қасым -Жомарт Тоқаев 2020 жылғы 1 қыркүйек күні жолдаған жолдауында әлемде орын алып жатқан пандемияға қарсы қарқынды күрес әлі де жалғасып жатқандығын тілге тиек ете келіп, мемлекет қаржысынан бөлінген қаражат жайында ашық айтып өтті. Сонымен қатар, мемлекеттің экономикалық жағдайын қалыпқа келтіруге кем дегенде 5 жылға жуық уақыт керектігін айтты.
Мемлекетіміздің алдында тұрған аса маңызды міндет-өнеркәсіптік әлеуетімізді толық пайдалануда екендігін айтып, әлі де болса ішкі нарықты дамытуға күш салыну қажеттігін атап айтты.
Короновирус індетінің салдарынан дүние жүзіндегі білім беру ұйымдары қашықтан оқуға көшті. Қашықтан оқытуды ұйымдастыруда үкіметтің жіберген қателіктерін де айтып өтті. Осы орайда, барлық жағдайды қамтамасыз ететін бірде-бір платформаның жоқтығын, ата-аналар мен ұстаздар, оқушылар күні-түні "Whats'app"- тан бас көтермейтіндігін айтып, алдағы уақытта барлық функциялар қамтамасыз етілген платформаны шұғыл түрде әзірлеу керектігін айтты.