Шоқан Уалиханов атындағы мектеп-гимназиясында «1 маусым балалар күні» мерекесіне орай 2022-2023 оқу жылының аяқталуы «Соңғы қоңырау» салтанатты жиыны «Болашаққа бастар жол» тақырыбында өткізілді

       Адамгершілік құндылықтары берік негізі бар нәтижеге бағдарланған жан-жақты тұлға қалыптасуына бағыт-бағдар беру, туған жеріне, мектебіне, ұстаздарына, ата-аналарына деген сүйіспеншілік, ризашылық сезімін дамыту мақсатында Қазақстан Республикасы Оқу-ағарту министрлігінің 2023 жылғы 10 сәуірдегі № 88 бұйрығына сәйкес, Шоқан Уалиханов атындағы мектеп-гимназиясында  «1 маусым балалар күні» мерекесіне орай 2022-2023  оқу жылының аяқталуы «Соңғы қоңырау» салтанатты жиыны «Болашаққа бастар жол» тақырыбында өткізілді. Салтанатты  жиынға 1,4,9,11 сыныптар қатысты және бөлініс кестесіне сәйкес, жиынға Жаңатас қаласының әкімі Борсықов Дүйсенәлі Қыдырәліұлы және білім бөлімінің әдіскерлік кабинет меңгерушісі Тультаева Гүлмира Кошековна қатысып, құттықтау сөздерін айтып, түлектерге жылы лебіздерін білдірді. 8 «Г» сынып оқушысы Нұрлан Нұрай және 7 «Г» сынып оқушысы Қалмен Балерке «Қазақстан» әнін тарту етті. Салтанатты жиын кезінде Қазақстан Республикасының Мемлекеттік әнұраны ережеге сай орындалып,  соңғы қоңырау жиыны талапқа сай өткізілді. “Оқуға құштар мектеп” жобасы аясында “Мен оқыған бір кітап” атты байқауына демеушілік көрсеткен Шаимкулов Фархат Исакулович сый-сыяпатын табыстап, жеңімпаздарды құттықтады. Қоңырауларды 11 «А» сынып оқушысы Қайсарұлы Бексұлтан және 1 «А» сынып оқушысы Әлімбек Нұрай, 11 «Б» сынып оқушысы Фахрутдинова Алсу және 1 «Д» сынып оқушысы Балабин Дамир соқты. Сонымен қатар, «1 маусым балалар күні» мерекесіне орай, жеке кәсіпкер Тоқсейітов А. Қамқорлықтағы 10 оқушыға мерекелік тәттілер таратты және инклюзивті оқитын 14 оқушыға пән мұғалімдері сый-сияпаттар таратты.  2 «А» сынып оқушысы Берік Нұрай «Соңғы қоңырау» әнін орындады. 11 жыл бойы тәлім-тәрбие берген ұстаздарға мектеп түлектері Сағатова Айнұр, Айтжанова Алтынай, Үмбет Айым және Әбіш Алина мектепке деген ізгі алғыс сөздерін білдірді. Бітіруші түлектер «Қоштасу вальсі» билеп, «Қош бол мектебім» әнімен салтанатты жиынды аяқтады.