Мектепке жол

«ҚОЛЫҢНАН КЕЛСЕ, ЖАҚСЫЛЫҚ  ЖАСА!»

1 қыркүйек Білім күніне орай «Мектепке жол» дәстүрлі жыл сайынғы республикалық акциясы  барлық білім  ошақтарында өткізілуде. Шоқан Уәлиханов атындағы мектеп-гимназиясында да аз қамтылған және көп балалы отбасылардан шыққан, жетім балалар мен ата – анасының қамқорлығынсыз қалған оқушыларға жаңа оқу жылына дайындығына көмектесіп, мектеп формасы мен оқу құрал-жабдықтарымен қамтамасыз ету мақсатында 1 тамыз бен 30 қыркүйек аралығында  өткізілетін  қайырымдылық акцияның ұраны «Қолыңнан келсе, жақсылық жаса!».

     Мектеп әкімшілігі және мұғалімдері, барлық сынып жетекшілері аз қамтылған отбасы балаларының мектепке дайындығын анықтап,  әлеуметтік жағдайы төмен жанұялардан шыққан балаларды мектепке даярлауға айтарлықтай қолдау көрсетуде. 

  Өркениетке бет бұрған қазіргі кезеңде дамитын ел дарынды ұландарынан көп үміт күтеді. Балалардың мерейін өсіріп, ертеңгі күнге берік сенімін қалыптастыру жолында аянбай еңбек етейік!

  Қайырымдылық қорында,ізгілік жолында әркез жүрегіміз кең, пейіліміз ақ болып жақсылық жасауға ұмтылып тұрайық!!!